كشفت الإعلامية مريم أمين، عن سبب رفضها للزواج خلال الفترة الماضية، قائلة: «أكيد مجاليش الشخص المناسب، وأنا اللي رفضت، لأن لازم أحس بالراحة والتكامل بيني وبينه».
وأضافت الإعلامية مريم أمين خلال لقاءها ببرنامج “ست ستات” الذي تقدمه الإعلامية سالي شاهين، عبر قناة dmc: “رفضت في الماضي عرض زواج بسبب غياب الحب، لأنه طلب منها أن تترك عملها، معقبة: “لما برفض عريس مبندمش عليه، وسبق وتقدم لي أحد الشباب وقال لي:”ماتشتغليش مذيعة تانى فرفضته وكل حاجة يقولى بابا بابا..بابا قال، فقلت له انت وضعك إيه؟ فقال أنا مع بابايا، فحسيت أنى هكون مش حرة فى بيتى مملكتى، فلازم يكون ليا خصوصية والقرار يكون لينا، ومكنتش بحبه، وحاولت أفكر أنها جوازة حلوة لكن مقتنعتش واكتشفت أنه مكنش حلو”.
وتابعت: “بفكر قبل ما أخد أى قرار، ولو بحب اللى بيتقدملى وقالى مش عاوزك تبقى مذيعة هقوله ممكن تفكر شوية، ولو صبر عليا شوية ممكن أنا اللى أقولهاله، فميخليهاش كأمر إنى أسيب شغلى”.
وأكدت أنها لا تبحث عن الزواج من أجل الإنجاب، بل عن شريك يمنحها الراحة والاحتواء، معقبة: “الرجل الذي سيكمل معي حياتي يجب أن يتحملني في أسوأ حالاتي، أنا مش مرفهة، أنا بتحمل المسؤولية، فبالمقابل لازم اللي معايا يحتويني”.
وأردفت: “يافرحتى أكون متجوزة وباين علينا قدام الناس مش طايقين بعض، لكن خلينى كدة متصانة ومبقاش أنانية أحقق رغبتى فى الأمومة والطفل بين المحاكم”.
